Gazetari dhe akademiku Lutfi Dervishi ka kujtuar premtimet e kryeministrit Edi Rama se Francesco Beccheti nuk do të marrë “asnjë kokërr Leku” nga buxheti i shtetit.
Në një reagim ku nuk kursen ironinë, Dervishi shkruan:
“Becchetti nuk do të marrë:
Asnjë kokërr leku!
Asnjë cent dollari!
Asnjë pens poundi!
Asnjë kopek ruble!
Le të marrë ato 125 milione euro të qelbura, por t’a harrojë që do të shohë me sy ndonjë kokërr leku”!
Pavarësisht premtimeve publike të kryeministrit Edi Rama dhe shpurës së tij qeveritare – ku ka spikatur vecanërisht Arben Ahmetaj, biznesmeni Italian ka konfiskuar 20 milionë eurot e para nga paratë e qytetarëve shqiptarë.
Një gjykatë në Bruksel i ka dhënë të drejtë ish-pronarit të Agon Channel të konfiskojë të gjitha të ardhurat që Shqipëria përfiton nga hapësira ajrore. Paratë, Becheti i merr përmes llogarive të Albcontrol.
Në total, ai pritet të marrë nga taksat e shqiptarëve rreth 130 milionë euro. Sipas vendimit të gjykatës së Arbitrazhit në Uashington, ky dënim ka tre shkaktarë kryesorë, duke filluar nga vetë kryeministri, sekretari i tij i përgjithshëm, Engjëll Agaçi, dhe kryetari i Bashkisë së Tiranës, Erion Veliaj. Këta morën valët e një televizioni të dështuar nga një biznesmen kontrovers dhe lanë peng hapësirën ajrore të Shqipërisë.
Lexo edhe:
