Mbi 500 mijë shqiptarë kthyen përgjigje për kanabisin mjekësor dhe amnistinë fiskale, tha Elisa Spiropali në “Zonë e Lirë”. Ajo tha se amnistia fiskale duhet të bëhet patjetër, pasi kemi shumë qytetarë që kanë punuar në të zezë dhe duhet formalizuar dhe atyre ti jepet e drejta për investim në vendin e tyre.
Problemi qëndron si kontrollohen paratë e krimit?
Curri: Jam kundër Spiropalit. Së pari edhe Këshillimi Kombëtar ishte gabim. Duhen bërë referendume ose sondazhe të brendshme. Nuk ka emigrantë që nuk i ka sjellë lekët në Shqipëri dhe ky është një justifikim për të sjellë paratë e pista, paratë e drogës. Qytetarët i kanë sjellë dhe i kanë investuar duke bërë shtëpi. Për mua është justifikim dhe qëllimi është se kemi afër zgjedhjet lokale, dhe ekonomia ka problemet e saj. Legalizimi i hashashit dhe amnistia fiskale sjell para nga të gjitha anët.
Spiropali: Po të ishte kështu nuk ka nevojë për Shqipërinë se mund të depozitohen paratë në vende të tjera. Ne nuk po shpikim rrotën. Amnisti fiskale janë bërë dhe do bëhen. Nuk mund të paragjykohen paratë e shqiptarëve si të prodhuara nga krimi. Kemi patur kriza të njëpasnjëshme dhe është detyra e kryeministrit të gjej të ardhura te reja.
Edhe SHBA e ka praktikë përdorimin e kanabisit mjekësor. Në fazën kur jemi, kemi fituar luftën.
