Një 28 vjeçar shqiptar është arrestuar nga policia italiane për trafik të lëndëve narkotike.
Karabinierët e Viterbos në Itali vunë në pranga David Rebeshin, klandestin në territorin italian.
Në momentin e ndalimit, policia i ka sekuestruar të riut shqiptar një sasi prej 38 kg marijuanë, e cila nëse do të shitej në treg do të kapte vlerën e 380 mijë eurove.
Dyshimet e karabinierëve të zonës, kanë ardhur pasi kanë parë transportimin e një ngarkese të madhe nga një makinë në një tjetër.
Ky fakt ka tërhequr vëmendjen e policisë, e cila ka sekuestruar të dyja automjetet e përfshira në aktivitetin e paligjshëm. Pas arrestimit 28 vjeçari është dërguar në burgun lokal të qarkut.
