Cristiano Ronaldo Junior duket se do të ndjekë gjurmët e të atit. Djali i madh i yllit portugez është pjesë e moshave të Man United dhe ditën e djeshme ka debutuar me U12. Në fillim të shkurtit, djali i yllit portugez u prezantua zyrtarisht si lojtar i Djajve të Kuq dhe dje ai shënoi golin e tij të parë për Mançesterin.
Njësoj si babai i tij, edhe Ronaldo Junior debuton me gol në ndeshjen e parë, ndërsa festa e golit është padyshim festimi i veçantë që bën i ati i tij kur shënon. Ronaldo Junior e nisi ndeshjen nga stoli ndwrsa u aktivizua nw pjeswn e dytw dhe tundi rrjetën në mintuën e 23-të, në fitoren e thellë 5-0 që Man United mori ndaj EF Girones Sabat. Pas krosimit në zonë, 11-vjeçari e devijoi saktë topin duke e dërguar në fundin e rrjetës.
Video e golit të djalit të Ronaldos ka bërë menjehërë xhiron e rrjeteve sociale teksa më shumë vëmendja ka marrë festimi i tij.
