Ish-kryeministri Sali Berisha lëshoi akuza ndaj ministres së Shëndetësisë, Ogerta Manastirliu për keqmenaxhim të pandemisë.
“E ngjite vendin në çatinë e botës për vdekshmërinë nga Covid-i, kam parë qindra mijëra jetë të shuara”, tha Berisha nga foltorja e Kuvendit këtë të Enjte.
Replika pati me ministren Elisa Spiropali.
“Vij këtu se kam një organizatë kriminale, të vërtetë, që ka përdorur çdo ditë e muaj të pushtetit për të plaçkitur pasuritë e qytetarëve shqiptar. Vetëm në aferën e fundit ka plaçkitur 430 milionë euro. Vij këtu për të qëndruar karshi jush e për t’ju treguar se çfarë shkalle inkriminimi keni. Zonja që foli, zonja pesë milionëshe nuk hyn në anëtarët e mëdhenj të jetës së organizatës, por hyn si anëtar ndaj edhe ju keni të drejt të dilni, të shani më gjuhë ordineri, jo se fjalori më mungon të iu them një për një, por goja ime frenohet para një zonje”, tha Berisha.
Për kryeministrin Edi Rama tha se ai është “shpresëvrasësi më i madh në kontinent e më gjerë”.
