Gjatë fjalës në Kuvend, ish-kryeministri Berisha ka folur rreth gjendjes së sistemit arsimor në ditët e sotme. Berisha tha se qeveria aktuale është më shkatërrimtarja që ka qenë ndonjëherë për sistemin arsimor, që në kohë të Enver Hoxhës.
Ai u shpreh se kryeministri Rama po i detyron të rinjtë të largohen nga vendi duke vrarë shpresat dhe se ka luajtur me sistemin më serioz të një kombi.
Berisha u shpreh se Rama është “shpresëvrasësi më i madh i kontinentit dhe më gjerë”.
“Nuk ka patur ndonjëherë ndonjë qeveri më shkatërrimtare në arsim se qeveria juaj. Ju e shkatërruat me vjedhje. Me selektivitetin, ligjet e miratuara këtu tërësisht të lobuara, me valixhe me euro në universitete private. Shkoni në Gjirokastër, Vlorë, Shkodër, Korçë. Studentët po i përzë Edi Rama nga Shqipëria duke i vrarë shpresë, është shpresëvrasësi me i madh i kontinetntit dhe më gjerë. Për të mos thënë mbylljen në Peshkopi në Kukës, dhe i përsëris këtu se universiteti i Peshkopisë apo i Kukësit rënkon diku tek vendet e 20 mijëta por po në atë faqe rënkimi gjej tek universitete në Itali Francë e Kaliforni. Kjo domethënë emrin e kishin dhe ishin shkolla të larta që i jepnin një profesion studentëve. Këta studentë që mbarojnë këto shkolla që nuk janë në standarte, të tjerët kanë një të ardhme 3 herë më të sigurt se ata të cilët nuk ndjekin këto shkolla. Ça ndodhi në Shqipëri? Kush i pagoi vazhdoi licenscën, kush jo iu hoq liçensa. Keni luajtur me procesin që duhet të jetë procesi më serioz i një kombi siç është arsimi. Për të thënë pastaj se shumica nga ju kanë plagjiatura e jo doktoratura e diploma. Kjo është Shqipëria prandaj renditemi 3 mijë vende më poshtë se Beogradi e rajoni”, tha Berisha.
