Kryeqyteti serb është tronditur sot nga një shpërthim . Mësohet se një makinë ka shpërthyer ndërsa ishte në lëvizje.
Sipas dëshmitarëve, shpërthimi ishte i fuqishëm dhe u ndje në gjithë hapësirën përreth dhe madje edhe shtëpitë.
Qytetarët ishin alarmuar, me frikën se bëhej fjalë për diçka më të madhe. E ekipet e Ndihmës së Shpejtë kanë shkuar menjëherë në vendin e ngjarjes.
Siç mësojnë mediat serbe, “viktimë” e shpërthimit ka qenë një veturë “Citroen Picaso”, brenda së cilës gjendej edhe një njeri.
Pas shpërthimit thuhet se ai është dërguar me një veturë private në Spitalin Ushtarak në Beograd, nga ku thuhet se ka pësuar lëndime të rënda.
Po kështu janë plagosur dhe dy persona, të cilët në momentin e shpërthimit gjendeshin në afërsi.
