Një shqiptar ka qëlluar të jetë dëshmitar i sulmit në Bruklin në Nju Jork.
Ai është shofer metroje dhe ka treguar sesi ka ndodhur ngjarja e rëndë.
Fitim Gjeloshi ka rrëfyer se e ka parë agresorin duke folur me vete dhe e ka parë duke qëndruar në një cep, raporton NY Post.
“E pashë se ai po fliste me veten e mendova se ky djalë duhet të jetë i droguar”, ka thënë i riu.
Ai sqaroi më tej se kur metroja u largua nga stacioni në Rrugën 59, i dyshuari nxori një maskë gazi nga një çantë. “I dyshuari hapi një nga bombolat e tij të gazit dhe tha: “Upss, gabimi im”, tregon shqiptari.
Fitimi thekson më tej se burri i drejtoi armën dhe e qëlloi, por fatmirësisht plumbi nuk i preku trupin. Përdoruesit e tjerë të metrosë, në të njëjtin vagon nuk ishin aq me fat.
“Fillova të vrapoj”, tha Gjeloshi, i cili jeton në Bensonhurst, Brooklyn. “Ai më synoi mua fillimisht. Unë pata fat, plumbi kaloi nëpër pantallonat e mia.”
Gjeloshi tha se ai u bërtiste të gjithëve që të lëviznin shpejt në një vagonin R përtej platformës. Ishin dy persona që u plagosën rëndë dhe kishin nevojë për ndihmë, kujton ai.
