2 kg heroinë është sekuestruar në orët e para të mëngjesit në doganën e Kakavijës, ndërsa në pranga është vënë një i ri nga Tirana.
Burime nga policia thanë se është ndaluar Alban Kapllari, i cili ka qenë duke udhëtuar me mjetin mikrobus të linjës Shkodër-Athinë, me targa AA 487 LY.
Pas regjistrimit në sistemin TIMS nga punonjësit e Policisë Kufitare, mjeti ka kaluar në vijën e dytë për një kontroll më të imtësishëm.
Gjatë kontrollit të ushtruar në vijën e dytë, në frigoriferin e këtij automjeti kishte disa pako me lëndë të dyshuar narkotike heroinë.
Gjatë kontrollit të imtësishëm nga grupi hetimor, në frigorifer u gjetën 4 pako me lëndë narkotike të dyshuar Heroinë, me peshë totale 2 kg.
