Real Madrid është kualifikuar sot në gjysmëfinalet e Ligës së Kampioneve duke eliminuar Chelsean.
Një kualifikim mes drithërimash që u vendos në kohët shtesë, por që gjithsesi sheh skuadrën e Ançelotit të kalojë përsëri mes katër më të mirëve të turneut ku ka vendosur një sërë rekordesh.
Në fakt, kualifikimi i sotëm thellon një të tillë, pasi kjo ishte hera e 31-të, dhe e 10-ta në 12 vitet e fundit kur ekipi madrilen kalonte mes katër më të mirëve të turneut që në krijimin e tij.
Një shifër e jashtëzakonshme të cilës nuk i afrohet asnjë skuadër tjetër, pasi rezulton se ndjekësit më të afërt me më shumë kualifikime në gjysmëfinale kanë 11 më pak se Reali.
https://twitter.com/BRGoals/status/1513998381563187209?ref_src=twsrc%5Egoogle%7Ctwcamp%5Eserp%7Ctwgr%5Etweet
