Kreu i agjencisë së rrjetit federal gjerman, Klaus Miller, bëri të ditur se Gjermania, në rast të ndërprerjes së plotë të furnizimit me gaz rus, ka stoqe deri në fund të verës ose në fillim të vjeshtës.
Sipas Alo.rs, ai tha se janë tre parametra që mund të parandalojnë krizën e gazit, nëse arrijnë të reduktojnë konsumin, nëse arrijnë të marrin më shumë gaz dhe nëse arrijnë të mbushim rezervuarët.
Ai u bëri thirrje qytetarëve që me iniciativë të ulin konsumin e gazit, sepse në të kundërtën mund të vendosen kufizime në të ardhmen e afërt.
‘Konsumi privat është ende shumë i lartë, por kriza ende nuk ka ndodhur në këtë sektor,‘- tha ai.
Janë duke u konsideruar gjithashtu hapa jokonvencionale për të kursyer gazin, ku synohen saunat e para dhe apartamentet e mëdha me një dhomë gjumi.
‘Unë mendoj se ngrohja e vazhdueshme e saunave dhe apartamenteve me një dhomë gjumi në të ardhmen nuk do të justifikohej‘ – tha ai.
Gjermani ka presion mediatik ndaj qeverisë për të vendosur embargo ndaj naftës dhe gazit rus. Qeveria ende qëndron mënjanë dhe nuk merr vendime të nxituara, dhe kancelari Olaf Scholz së fundi e kundërshtoi këtë, duke thënë se Gjermania mund të goditet nga një recesion i thellë me humbje të mëdha të vendeve të punës.
Nga ana tjetër, kreu i gjigantit kimik gjerman BASF paralajmëroi se ekonomia më e madhe evropiane po përballet me një krizë të paprecedentë nëse ndalon plotësisht tregtinë me Rusinë ose ndalon importin e gazit dhe naftës ruse.
