Interi ka filluar të projektojë skuadrën e sezonit të ardhshëm ku prioritet në merkato do t’i jepet veçanërisht mesfushës. Mesfushori i PSG, Marko Verrati duket të jetë emri i fundit në listën e dëshirave të Interit përsa i përket merkatos së verës.
Futbollisti italian do të ishte një dhuratë për tifozët në rastin e fitores së kampionatit, me 29-vjeçarin i cili do të ishte i gatshëm të transferohej në atdhe në rast se shifrat ekonomike të kontratës do të ishin të kënaqshme.
Situata momentale jo e mirë në klub dhe situata e largimeve të tjera të mundshme si ajo e Mbape mund të jenë një faktor më shumë për largimin e Verratit nga Parisi.
Problemi kryesor mbetet çmimi i lartë i kartonit të lojtarit dhe roli kryesor në skuadrën e drejtuar nga Poketino, por në rast të dëshirës së lojtarit dhe një oferte të kënaqshme nga ana e Interit skenarët në këtë tratativë mund të ndryshojnë me shpejtësi.
