Presidenti rus Vladimir Putin ka deklaruar se bisedimet me Ukrainën për të shuar luftën janë në një rrugë pa krye.
“Tani, kërkesat e sigurisë janë një gjë dhe çështjet e rregullimit të marrëdhënieve mbi Krimenë, Sevastopolin dhe Donbasin janë nxjerrë jashtë fushëveprimit të këtyre marrëveshjeve. Kjo do të thotë, se jemi kthyer sërish në një situatë qorre për të gjithë ne”, shtoi ai, duke folur me homologun e tij bjellorus Alexander Lukashenko në një konferencë shtypi.
Putin është zotuar se ai nuk do të ndalojë operacionet ushtarake në Ukrainë, derisa Moska të ketë sukses.
Udhëheqësi rus hodhi poshtë gjithashtu raportet për mizoritë në qytetin ukrainas Bucha duke i cilësuar ato si ‘të rreme’ dhe i krahasoi ato me rastin e përdorimit të armëve kimike në Siri nga regjimi i Asadit.
“Kishte provokime në Siri, kur u vendos përdorimi i armëve kimike nga qeveria e Asadit. Më pas doli se ishte false, e njëjta gjë është edhe në Bucha” tha ai.
