Gjyqtarët Engert Pëllumbi dhe Laurant Fuçia janë tërhequr nga çështja për atentatin ndaj Ines Hajrullës në Vlorë.
Kjo ka ndodhur pak orë pasi do të jepej vendimi për ndryshim të mundshëm të masës së “arrestit me burg” për të akuzuarit si autorë të ngjarjes.
Ata kanë kërkuar të tërhiqen pa thënë se pse po veprojnë kështu, kurse i vetmi që ka qëndruar është gjyqtari Sokol Ngresi.
Ndryshimi i trupës gjykuese është bërë gjatë seancës së sotme, ndërkohë që dy gjyqtarët e rinj kanë kërkuar kohë për t’u njohur me aktet e shkallës së parë. Seanca e radhës pritet të jetë data 21 prill në orën 13:00 .
Daut Elmazi Albano Goxhaj, Dejvison Serjani dhe Ardjan Ahmeti, nëpërmjet avokatëve të tyre kanë bërë kërkesë për ndryshim mase. Ata kanë kërkuar ndryshimin e masës së paraburgimit në një masë më të lehtë, ndërkohë që shtyrja e seancës është bërë disa herë për arsye të ndryshme.
Ngjarja u regjistrua më 10 maj të 2019 në lagjen “Uji i Ftohtë” në Vlorë, ku Hajrulla u qëllua me armë zjarri nga një automjet në lëvizje, teksa ishte ulur në një lokal.
Hajrulla i shpëtoi atentatit, por u plagos rastësisht Dajko Cenodemaj që po pinte kafe në Lungomare me disa miq. Autorët pasi u larguan dogjën automjetin në Babicë të Vogël.
