Kanye West beson se “Forbes” nënvlerëson vlerën e tij neto prej shtatë miliardë dollarësh pasi revista e vlerësoi atë në dy miliardë dollarë në listën e saj të miliarderëve.
West është një nga të paktët personazhe të famshëm në listën e miliarderëve. Ai ndjek Oprah Winfrey, pasuria e së cilës vlerësohet në 2.6 miliardë dollarë, ndërsa ish-bashkëshorti e tij Kim Kardashian zotëron 1.8 miliardë dollarë, sipas ET Canada.
“The Blast” pretendon se ekipit të tij i është thënë paraprakisht për artikullin dhe se ata nuk janë të kënaqur me mënyrën se si vlera e tij është përfshirë në artikull.
Përveç një karriere muzikore tepër të suksesshme, West ka një kontratë shumëvjeçare me Adidas. Ai prodhon dhe dizajnon rroba për këtë kompani.
