Në mediat greke është publikuar foto e shqiptarit që qëlloi me armë zjarri ndaj ish-kunatit të tij, ngjarje e ndodhur në aeroportin e ishullit grek, Mykonos.
Shqiptari u konfliktua me ish-kunatin, dhe më pas e ka qëlluar 3 herë me armë zjarri.
Si pasojë, ka marrë plagë në bark dhe ndodhet në spital, ndërsa autori u arrestua nga Policia greke.
Protothema.gr shkruan se motivi i vrasjes së mbetur në tentativë ka të bëjë me mosmarrëveshjet personale mes dy familjeve shqiptare.
Çifti ishte ndarë prej kohësh dhe sipas dëshmisë që autori i dha Policisë në Mykonos, familja e ish-bashkëshortes nuk e lejonte të shihte fëmijët e tij.
Kështu dje ka mbërritur në Mykonos nga Athina dhe ka shkuar drejt e në shtëpinë ku jeton ish-bashkëshortja me fëmijët e tyre.
