Romeo Xinxifi premton lajme të mira për klubin juglindor. Gazetari ka folur në studion e emisionit “Ora Sport” në “Ora TV“, ku ka zbuluar se brenda muajit të ardhshëm pritet të ndryshojë diçka në vendimin për dënimin e Skëndërbeut.
“Të mundesh 0-4 nga Tirana nu kështë ndonjë dramë e madhe. Ajo që të shqetëson është që ky Skënderbe ka qenë në vazhdimësi. Pas periudhës së janarit, këtu ndodh më e keqja që ka lënë, nuk u morën masat emergjente, duke filluar nga merkato, e ndoshta pse jo ndryshime në pankinë me trajnerin. Ndoshta ardhja e Gegës ishte pak e vonuar. Të vjen keq që ne jemi mësuar të shohim një Skënderbe me një stekë të lartë. Steka e Skënderbeut tani ka rënë shumë poshtë. Shpresat tashmë janë minimale, thuajse zero. Të vinte keq pë rata tifozët që ishin në stadium që kanë ndjekur këtë Skëndebe. Dukej sikur shiu që binte lart nga qielli përzihej me lotët e tifozëve, që po qanin, por nuk e braktisën deri në fund, e ndoqën deri në fund, pavarësisht rezultati 0-4 dhe nuk të linte aspak shije të mirë.
Dënimi i Skënderbeut? Ka sinjale të mira, ka sinjale pozitve që mund të ndodhë diçka. Kjo për faktin se duke qenë se Skënderbeu ka përfunduar më shumë se gjysmën e dënimit, atëherë ka të drejtën e kërkesës edhe për t’u falur. Por gjithnjë vazhdon të ketë problem, sepse mund të falet ai dënim, por gjoba nuk falet. Është një gjobë rreth 1 milionë euro. Kështu që nuk falet. Nga informacionet e mia mësoj se nëse do të vijë puna deri atje, të gjithë biznesmenët korçarë ose ata që kanë drejtuar ekipin në sezonet e kaluara do të jenë të gatshëm ta paguajnë dhe të shikojmë Skënderbeun përsëri pjesëmarrës në kompeticionet europiane. Unë besoj se shumë shpejt do të vijë një lajm i mirë, të paktën brenda muajit të ardhshëm do të shohim diçka ndryshe”, ka thënë Romeo Xinxifi
