Procesi për votimin në Mallakastër se kush do jetë kreu i PD-së filloi në orën 9:00 dhe u mbyll në orën 18:00, në ambientet e kinemasë së qytetit të Ballshit.
Kandidatët për kryetar dege të PD-së Mallakastër ishin Astrit Adem Xhafaj dhe Resmi Bilbil Shanaj, dy kandidatura të propozuara nga vetë strukturat e PD-së.
Fitues u zgjodh Resmi Bilbil Shanaj, arsimtar me 277 vota kundër 80 votave të kundër-kandidatit dhe 12 vota të pavlefshme.
Fituesi Shanaj u shpreh se dera është e hapur për të gjithë demokratët. Deputeti Luan Baçi, si i deleguar i Partisë Demokratike për qarkun Fier ka qenë prezent në këto votime.
Mallakastra është e para që voton, ndërsa ky proces ka qenë tepër i rëndësishëm, pasi sjell në kutitë e votimit të gjithë antarësinë, pas ndryshimeve që përfshinë PD-në.
