Pas Sekretarit të Përgjithshëm të Partisë Socialiste, në pjesën e dytë të Kongresit të PS, ka folur ministrja e Shtetit për Marrëdhëniet me Parlamentin, Elisa Spiropali.
Spiropali foli për nismën e Këshillimit Kombëtar dhe tha se qeveria do të dëgjojë zërin e qytetarëve.
Teksa u ndal te legalizimi i kanabisit, Spiropali tha se do të hapet një front të ri pune.
“Shqipëria ka dalë nga harta e vendeve problematike. 61% shqiptarë janë dakord që vendi të kontrollohu kultivimin e kanabisit për qëllime mjekësore. Një qasje e tillë do të dekurajojë ilegalitetin dhe kriminalitetin. Ne do e dëgjojmë zërin e tyre dhe do të hapim një front të ri pune dhe duke luftuar kriminalizimin e këtij fenomeni”, tha Spiropali.
