Ministria e Jashtme e Shqipërisë ka reaguar pas sulmit me raketa në Kramatorsk të Ukrainës një ditë pasi Rusia u përjashtua nga Këshilli për të Drejtat e Njeriut.
Ministrja Olta Xhaçka thotë se bota duhet të bashkohet për të dënuar këtë luftë mizore dhe regjimin kriminal që po e bën atë.
“Vrasja e dhjetëra civilëve në Kramatorsk 🇺🇦, një ditë pasi u pezullua nga Këshilli i të Drejtave të Njeriut për shkak të mizorive që ka kryer në Ukrainë është edhe më shumë një dëshmi e natyrës kriminale të agresionit rus.
Tashmë është e qartë se këto nuk janë raste të izoluara. Vrasja e civilëve është bërë pjesë e rregullt e aktivitetit ushtarak të Rusisë. Bota duhet të bashkohet për të dënuar këtë luftë mizore, ilegale dhe regjimin kriminal që po e bën atë.”-shkruan Xhaçka në Twitter.
