I ftuar në Szri, politologu Bojken Abazi ka komentuar nëse janë shqiptarët të vetëdijshëm për Ballkanin e Hapur.
Abazi ka folur edhe për Këshillimi Kombëtar të hartuar nga Rama, duke e quajtur atë as këshillim dhe as kombëtar, pasi nuk ka asnjë vlerë shkencore dhe nuk përfaqëson shqiptarët pasi është i përqëndruar vetëm brenda Shqipërisë administrative.
Në lidhje me Ballkanin e Hapur, Abazi thekson se Rama refuzon të të luajë rolin e tij së pari si kryeministër të Shqipërisë dhe së dyti refuzon ta mbajë përgjegjës Serbinë për krimet e kaluara gjenocidiale të saj apo krimet e tashme të Serbisë ku në zgjedhjet e fundit ishin hequr nga listat e votuesve dhe adresarët mijëra e mijëra shqiptarë, qytetarë të Serbisë me kombësi shqiptare, që tashmë po quhen nga organizatat ndërkombëtare si një mjet për një spastrim etnik administrativ.
“Këshillimi Kombëtar nuk është as kombëtar dhe as këshillim. Së pari nuk është kombëtar sepse kombi shqiptar nuk është i përqëndruar vetëm brenda Shqipërisë administrative është edhe në treva të tjera në Ballkan dhe në diasporë. Së dyti nuk është këshillim, nuk ka asnjë vlerë shkencore, nuk bazohet mbi asnjë metodë relevante anketimi sepse e kanë thënë dhe të tjerët se një qytetar ka pasur mundësi të votojë në tre mënyrë tre herë.
Përveç nëse nuk është ruajtur anonimiteti që është një nga problemet e tjera në këtë gjë, pasi dihet se përballë një sistemi që e ka treguar në disa mënyra që është autoritar, ka mundësi që shqiparët të jenë më të rezervuar për të shprehur mendimin e tyre.
Tre mënyrat kanë qënë me postë, te bashkia ku janë hapur qendrat e internetit ku me të ndryshuar adresën mund të votoje me dhjetra me qindra herë i njëjti person, në shtëpi një familjar mund të ketë plotësuar të gjitha formularët, pra besueshmëri në kuptimin teknik dhe shkencor për këtë lloj anketimi është zero, kredibiliteti është i rrënuar po ti shtosh këtu edhe faktin që besimi është i ulur për këtë lloj qeverie që ka pasur skandale korrupsioni të njëpasnjëshme.
S’mund të flasim për asnjë vlerë domethënëse shkencore sa i përket studimeve sociologjike apo të opinionit publik.
Kjo duket një qasje pak spektakolare e Ramës për të justifikuar disa politika që ai i ka pasur në mendje dhe i ka hedhur edhe më herët në diskursin publik dhe ka dashur ti mbështesi nëpërmjet disa shifrave të rrejshme. Skemi fare si ti vërtetojmë se përfaqësojnë opinionin publik shqiptar të cilin nëse do të donte ta maste ta kalonte me referendum.
Edhe çështja e Ballakanit të Hapur sepse jemi në mes të një lufte në Ukrainë dhe të një rreziku të vazhdueshëm të destabilizimit të Ballkanit përmes Serbisë, aleatit kryesor të Rusisë dhe duke se kryeministri Rama mos të tërhiqet nga kjo nismë, duke e nxjerrë veten në një pozitë që refuzon të luajë rolin e tij së pari si kryeministër të Shqipërisë dhe së dyti refuzon ta mbajë përgjegjës Serbinë për krimet e kaluara gjenocidiale të saj apo krimet e tashme të Serbisë ku në zgjedhjet e fundit ishin hequr nga listat e votuesve dhe adresarët mijëra e mijëra shqiptarë, qytetarë të Serbisë me kombësi shqiptare, që tashmë po quhen nga organizatat ndërkombëtare si një mjet për një spastrim etnik administrativ.
Për këtë Rama heshti dhe nuk pati asnjë kritikë madje duke i bërë një mesazh urimi Vuçiçit për fitoren në zgjedhje, dhe dje i bëri dhe avokaturën për nxjerrjen e Rusisë nga një organ i parëndësishëm në OKB”, thekson Abazi.
