Kreu i Partisë Agrare Ambientaliste, deputeti Agron Duka, është i bindur se Edi Rama e ka të caktuar tashmë emrin e Presidentit të ardhshëm.
Gjithsesi Duka shprehet se në parim do të ishte dakord të votonte një kandidaturë mbi palët, nëse negociatat me mazhorancën do të ishin të sinqerta.
“Unë personalisht jam gati që të votoj një kandidaturë që është me integritet dhe që mendoj se e bën mirë rolin e presidentit. Dëshira imë do ishte të ishte nga e djathta sepse ekuilibrohet pak pushteti, por ndoshta edhe jashtë politikës”, ka thënë ai në një intervistë për A2 CNN.
