1 rast pozitiv me gripin e shpendëve rezulton edhe në Qarkun e Shkodrës.
Prefektja e Qarkut Shkodër, Majlinda Angoni, bëri me dije se rasti është zbuluar në një fermë private, teksa kanë rezultuar pozitiv me sëmundjen 70 krerë pula dhe janë gruposur.
Për këtë, u zhvillua një takim për marrjen e masave për kontrollin e sëmundjes së shpendëve. Angoni shtoi se të shtunën dhe të dielën do të ketë kontrolle të shtuara në tregje.
Angoni tha se u është lënë detyrë bashkive të përcaktohet vendi ku do gruposen shpendët nëse ka raste të tjera.
