Southampton do masë forcat me Chelsea me 9 prill, në kuadër të Premier League. Trajneri austriak i ekipit nga Southampton, Ralf Hassenhuttl, nuk do ketë në dispozicion Armando Brojën.
Nuk bëhet fjalë për ndonjë dëmtim apo zgjedhje të teknikut, por me klauzolën e kontratës, e cila parashikon mos-aktivizimin e shqiptarit përballë klubit që zotëron kartonin e tij.
Kështu, në këto kushte, Hasenhuttl duhet të shikojë për zgjidhje të tjera, me alternativat në repartin e avancuar që janë të shumta. Southampton do ishte e kënaqur edhe me një pikë, me sfidën ndaj Chelsea që do luhet në ST Marry Stadium. Deri më tani, Broja me shokë kanë grumbulluar 36 pikë dhe pozicionohen në vendin e 12-të të Premier League. Sa i përket objektivave, ekipi është i qetë, pasi nuk rrezikon rënien një Kategori më poshtë.
