Përveç prestigjit dhe lavdisë, Botërori 2022 në Katar do të shërbejë për të mbushur arkat e skuadrave pjesëmarrëse.
Spektakli më madhështor sportiv në Gjirin Persik do të shpërndajë plot 440 milionë dollarë për 32 skuadrat e kualifikuara. Kjo shifër është 29% më e lartë se eventi Rusi 2018 dhe përbën një rritje me 80% krahasuar me Botërorin 2014 në Brazil.
Efektet e rritjes së të ardhurave nga FIFA janë të ndjeshme prej startit të turneut dhe deri në momentin kur do të përcaktohet fituesi i Kupës së Botës.
Sipas mediave në Doha, vetëm për pjesëmarrjen ekipet kanë të garantuara 1,5 milionë dollarë në çmime monetare. Gjatë fazës së grupeve, përfitimi përllogaritet se do të rritet deri në 9 milionë dollarë, në varësi të rezultateve.
16 skuadrat që do të kalojnë në fazën e 1/8 do të marrin 13 milionë, ndërsa kualifikimi në çerekfinale vlen 17 milionë dollarë. Skuadra e cila do ta mbyllë eventin në vendin e tretë do të përfitojë 27 milionë dollarë, 2 më tepër se ekipi që humbet finalen e vogël.
