Ish kryeministri, Sali Berisha ka folur për herë të parë lidhur me lajmet që u përhapën për arratisjen e mundshme të ish deputetit Alqi Bllako, pasi ky i fundit nuk u gjet në shtëpi në momentin që po ekzekutohej urdhri i arrestit ndaj tij.
Berisha tha se priteshin proesta të fuqishme dhe mënjëherë pasi e kuptuan këtë, u detyruan që Bllakon ta kthenin me helikopter nga Greqia.
“Atë natë që doli lajmi për arratisjen e Alqi Bllakos, më kanë ardhur me dhjetëra mesazhe që të dalim dhe të mbushim sheshet. Më thonin se e kthyen me helikopter. Thuhet se sa kishte kaluar qafën e Botës me një Ergys.
Një gjë është e sigurtë, që policia e shtetit mashtroi opinionin publik shqiptar duke deklaruar të nesërmen se mbrëmë ka qenë në drejtorinë e policisë, ndërkohë që ky ishte paraqitur në drejtori në orën 02:10 minuta.
Mendoni se policia gënjeu në emër të Lefter Kokës? JO! Gënjen me porosi të Bledi Çuçit apo të Edi Ramës. Kemi të bëjmë me një problem që ngjitet deri në krye të qeverisë”, tha Berisha.
