Ish-Kryeministri Sali Berisha u pyet nga A2Cnn nëse ka gjasa që gjykata të njohë edhe vendimet e kuvendit të 18 dhjetorit sikurse ndodhi me ato të 11 dhjetorit të Partisë Demokratike.
Duke iu përgjigjur pyetjes, Berisha tha se asnjë gjykatës normal nuk mund të pranojë kuorumin prej 1958 votash, pavarësisht se Basha sipas tij e ka servirur për 5004, duke i sugjeruar këtij të fundit një kurs të ri matematike.
“Gjykatës me fakultete mendore normale që të pranojë 1958 për 5004 nuk besoj që gjen as në shtëpitë e problemeve të shëndetit mendor.
Por gjykatës nuk mund ta pranojë atë se kuvendi ka një kuorum dhe shifra 1958 është nën kuorumin e vendimeve dhe asnjë vendim nuk ka vlerë por ky kuorum është servirur 5004 dhe kjo është matematika e Bashës dhe tani do ketë kohë të bëjë një kurs të ri matematike”, tha Berisha.
