Kreu i Grupit Parlamentar të PD, Enkelejd Alibeaj, i shoqëruar nga disa deputetë demokratë, ka takuar grupin parlamentar të partisë Aleanca për Ardhmërinë e Kosovës, që kryesohet nga Ramush Haradinaj, i cili po zhvillon një vizitë zyrtare në Tiranë.
Përmes një postimi në rrjet Alibeaj shkruan se në bisedën e përfaqësuesve të dy grupeve tona u vlerësua bashkëpunimi miqësor mes dy parlamenteve dhe veçanërisht marrëdhëniet e ngushta mes grupit të PD dhe AAK.
“Ndamë sëbashku nevojën e forcimit të këtyre marrëdhënieve si dhe fokusimin e gjithë axhendës së përbashkët për të çuar në njohjen finale të pavarësisë së Kosovës nga të gjitha vendet.
Gjithashtu në bisedë u vu theksi tek nevoja e përbashkët për të ruajtur qartësisht rrugën e integrimit euroatlantik të Shqipërisë dhe Kosovës”, shkruan Alibeaj.
