Në Lisbonë luhet një përballje tepër e fortë dhe që premton spektakël. Benfica pret një prej pretendentëve për të triumfuar në fund siç janë anglezët e Liverpool. Portugezët janë pjesë e çerekfinaleve të turneut pas 6 vitesh, raund që nuk e kanë kaluar kurrë, duke mos arritur t’i fitojë asnjë nga 8 duelet e tyre.
Liverpool e gjen veten në çerekfinalet e Champions për herë të tretë në katër sezonet e fundit, ndërsa shënoi humbjen e vetme në këtë vit kalendarik në duelin e kthimit të 1/8-ave ndaj Interit. Skuadrat angleze janë të favorizuara nga historia, pasi e kanë mposhtur kundërshtarin e tyre portugez në 11 ndeshjet e fundit me eliminim direkt të Champions.
Përballje e fortë luhet edhe në “Etihad Stadium”, aty ku sfidojnë njëra-tjetrën Manchester City dhe Atletico Madrid. Një duel që vendos kundër njohje të vjetra si Pep Guardiola dhe Diego Simeone. City është i pamposhtur në 7 sfidat e fundit në Champions, e kombinuar me të shënimin e të paktën dy golave për ndeshje. Të dy përballjet do luhen në orën 21:00.
