Partia SNS e Presidentit të Serbisë, Aleksandër Vuçiç është duke pësuar humbje në Beograd në zgjedhjet lokale të së dielës, nga një koalicion i opozitës, raporton medie serbe Danas. Opozita ka shumicën në Beograd. Kështu ka thënë Branislav Kuzmanoviç nga Partia Demokratike.
Kreu i komisionit zgjedhor të koalicionit “Të bashkuar për fitoren e Serbisë”, Branimir Kuzmanoviç ka thënë se “opozita ka shumicën në Beograd”. “Dua t’ju njoftoj se opozita ka shumicën në Beograd. Kur them opozitë, kam parasysh Koalicionin e bashkuar për fitoren e Beogradit, koalicionin Ne duhet dhe koalicionin NADA”, tha Kuzmanoviç para gazetarëve, duke folur për rezultatet preliminare të zgjedhjeve të së dielës.
Ai shtoi se në disa vendvotime zgjedhjet kanë zgjatur gati deri në orën 22.00. “Njerëzit nuk mund të votonin, ata u ndaluan në Beograd gjatë ditës dhe në shumë vende kryesuesit e qendrave të votimit nga Partia Progresive Serbe e ndërprenë votimin për 10 deri në 15 minuta, duke u përpjekur të zvogëlojnë pjesëmarrjen në Beograd”, tha ai.
Të dielën e tre prillit në Serbi u mbajtën zgjedhjet presidenciale, parlamentare dhe lokale në Beograd dhe 13 komuna të tjera. Presidenti i Serbisë, Aleksandër Vuçiç, në një adresim për media ka thënë se ka fituar 59.9% të votave në zgjedhjet presidenciale, ndërsa tha se kundërkandidati kryesor i tij, Zdravko Ponos, 17.7%, duke iu referuar të dhënave të partisë së tij.
“Kam arritur të bëj diçka që askush në Serbi nuk ia ka dalë kurrë. Unë jam i vetmi që fitova dy herë në raundin e parë”, tha Vuçiç, raporton “Nova.rs”. Ai tha se përvçe se është i bindur në fitoren e zgjedhjeve presidenciale dhe atyreve parlamentare, beson se edhe në Beograd partia e tij është e para.
“Mendoj se ka shumë opsione në qytet që ofrohen, por kjo nuk është diçka që do të dihet brenda një dite. Dhe SNS sigurisht që do të jetë më e madhja dhe pjesë e qeverisjes së qytetit, kështu funksionojnë numrat. mua, por le të presim deri në fund”, vazhdoi ai.
Sipas Cesid, në bazë të 70.5 për qind të të dhënave të përpunuara, vendin e parë e zë kandidati presidencial Aleksandar Vuçiç, kandidati i koalicionit “Aleksandar Vuçiç – Së bashku mund të bëjmë gjithçka” me 59 për qind të votave, i ndjekur nga Zdravko Ponos, kandidati i koalicioni “Të bashkuar për fitoren e Serbisë” me 17,6 për qind të votave.
“Ne kemi të dhëna më të sakta dhe zgjedhje nga Kosova, pjesën më të madhe e kemi edhe nga jashtë. Lista ‘Së bashku mund të bëjmë gjithçka’ ka fituar 44% të votave, lista ‘Për Serbi të bashkuar’ 13.6, lista Ivica Daçiç 11.4, Milos Jovanoviç 5,3, ‘Ne duhet’ 4,7 dhe 3,8 ‘Zavetnici i Dveri’, radikalët dhe sovranistët janë në 2,2 dhe 2,3, Aleanca e hungarezëve të Vojvodinës është 1,55, Së bashku për Vojvodinën 0,65”, tha Vuçiç për rezultatet e zgjedhjev presidenciale.
