Agjencia e intelegjencës ukrainase ka raportuar se dy trupa rusë pranë Kharkiv-it kanë vdekur pasi hëngrën simite të helmuara që iu dhanë si ‘dhuratë’ nga qytetarët ukrainas.
Dy ushtarë nga Divizioni i 3-të vdiqën menjëherë pasi hëngrën ushqimet e shijshme të servirura nga qytetarët e Izium-it, njoftoi të shtunën përmes një postim në Facebook Drejtoria Kryesore e Inteligjencës së Ukrainës, raporton Daily Mail.
Gjithashtu 28 ushtarakë të tjerë rusë janë në kujdes intensiv pas helmimit dhe disa qindra të tjerë po vuajnë gjithashtu nga ‘sëmundje të rënda’ pasi kishin pirë alkool të helmuar që u ishte dhënë nga civilët.
Në postim, agjencia tha: ‘Ukrainasit i rezistojnë pushtuesve me të gjitha mjetet e disponueshme. Sipas informacioneve të disponueshme, banorët vendas të rrethit Izium (rajoni i Kharkivit) i shërbyen rusët e Divizionit të 3-të të Pushkave të Motorizuara të Federatës Ruse me byrekë të helmuar”.
“Si pasojë, dy pushtues vdiqën menjëherë, ndërsa 28 të tjerë u dërguan në reanimacion. Gjendja e tyre aktuale është duke u sqaruar”.
“Rreth 500 ushtarakë të tjerë të Divizionit të 3-të të Pushkës së Motorizuar të Federatës Ruse janë në spitale për shkak të helmimit të rëndë nga alkooli me origjinë të panjohur.”
Izium pritet të ketë më shumë luftime në javët e ardhshme, ndërsa Putini përpiqet dëshpërimisht të ndryshojë fatin e tij pas një fillimi të dështuar të pushtimit të tij në Ukrainë.
Ky qytet ka rëndësi strategjike për Rusinë, pasi do t’i lejonte trupat ta përdorin atë si një bazë për sulme të qëndrueshme në Donbas dhe do të lejonte Putinin të rifurnizonte trupat e tij me qytetin pranë kufirit rus.
Kontrolli i qytetit do t’i lejonte rusët të koordinoheshin me forcat që luftonin më tej në jug në rajonin e Donbasit dhe të ndanin frontin lindor dhe të izolonin forcat jugore të Ukrainës nga ato që luftonin në veri.
Helmimi vjen pasi disa varreza masive të trupave civile u zbuluan në periferi të Kievit pas tërheqjes ruse që u pretendua dje.
