Një mesazh prekës ka mbërritur në redaksinë e JOQ nga e afërmja e Ambra Shaljanit. Kjo e fundit, 18-vjeçe, vdiq në një aksident në Romë të Italisë pas një aksidenti tragjik që i mori jetën asaj dhe tre të rinjve të tjerë, mes tyre shqiptarja Xhesika Gjinaj.
E afërmja e Ambrës, e cila shkruan se është rritur me të, na ka nisur një mesazh ku i drejtohet asaj me fjalë prekëse, ndërsa jep detaje që nuk i dinim më parë për adoleshenten.
Gjithashtu, ajo bën thirrje që njerëzit të mos paragjykojnë si vdiq, por të ngushëllojnë familjarët.
Mesazhi:
Sot u shuan 4 engjëj, mes tyre edhe ti kushërira jonë. Mes tyre Zoti të çoi edhe ty vajzën e vetme të shtëpisë, dritën e syve të Elcës. Pse Zoti të çoi në atë makinë të mallkuar dhe helmove nënën tënde? Edhe jetën tënde e mbylle….modelja jonë, e mbylle sa hap e mbyll sytë… a mos vallë atje ishte shkruar? Ah moj ambra sa shumë na je dhimbsur. A moj Ambra mamin e le vetëm … Dhe babin o ambra… nëna jote u rrit jetime pa nënë. Para 1 jave i vdiq, ngeli edhe pa babin, tani edhe ti e braktise. S’është e drejtë o Zot, pse duhet të vuajnë njerëzit e mirë …Pse duhet nëna të presin fëmijë ashtu, pse Zoti s’mendon? Ah jetë e poshtër.