Spanja, Japonia dhe njëra mes Costa Rikës dhe Zelandës së Re. Këta janë kundërshtarët në grupet e Botërorit 2022 për Gjermaninë. Trajneri i “Panzerave”, Hansi Flick ka dhënë mendimin e tij shkurt për atë që e pret skuadrën e tij. Ai thotë se nuk do jetë e lehtë dhe lë të kuptohet se do jetë një garë interesante dhe emocionuese.
“Ky është një grup emocionues. Nuk do të jetë një detyrë e lehtë të kalosh grupet, por padyshim që do të jetë interesante” – tha ai.Për Flick do të jetë Botërori i parë në krye të Gjermanisë. Ai numëron vetëm 9 ndeshje në pankinë. Kujtojmë që më parë te kjo Përfaqësuese ka qenë vetëm drejtor sportiv dhe menaxher asistent.
Etiketa: Boterori
