Komisioni i Pavarur i Kualifikimit shpalli këtë të Premte vendimin e konfirmimit në detyrë të gjyqtarit të Matit Aurel Arapi.
Trupa gjykuese përbëhej nga Valbona Sanxhaktari, Lulzim Hamitaj dhe Genta Tafa (Bungo).
Gjatë seancës dëgjimore, komisionerët ngritën pikëpyetje mbi disa episode në lidhje me profesionalizmin dhe pastërtinë e figurës, ndaj të cilave Arapi dha shpjegime.
Arapi e ka filluar karrierën në vitin 2013 në Gjykatën e Rrethit Gjyqësor Tiranë. Në vitin 2015 ai është transferuar në Gjykatën e Rrethit Gjyqësor Kurbin.
