Roland Bejko, i ftuar sot në Open në Top Channel, tha se pas deklaratave të Sali Berishës iu duk sikur e gjitha kjo zënkë me Lulzim Bashën ishte një lojë.
Ai shprehet se i duket absurd fakti që në fillim Berisha nuk la akuzë pa hedhur ndaj Bashës, ndërsa tani sillet sikur nuk ka ndodhur asgjë se fitoi në zgjedhje.
“Duket hapur fare që Berisha donte karrigen në PD, se me këto akuza që ka bërë ndaj Bashës, që është përfshirë në aferat e Ramës, i bie që Basha është për në burg.
Kurse tani Berisha flet sikur s’ka ndodhur asgjë, sikur nuk ndodhi 8 janari, sikur nuk ndodhën të gjitha akuzat ndaj tij”, tha Bejko.
Ai tha se për të mundur Ramën duhet një shumatore, e cila kërkon një kryetar që i mund të gjithë.
“Të dyja palët duhet të jenë të interesuara të bashkohen. Por kjo mënyrë nuk po i çon drejt bashkimit. Berisha është fakt tani që është pjesë e PD.
Alibeaj kërkon t’i qëndrojë moralit të tij, timit dhe të tjerëve që kemi bërë një betejë kundër berishizmit.
Ne dështuam, por parimi ngelet. Nga ana tjetër, Berisha është aty, por non-grata nuk ka ikur. E pranojmë që Berisha është shumicë, se e pamë nga zgjedhjet. Mua non-grata e tij nuk më pëlqeu, prandaj nuk u rendita krah tij, edhe pse s’kam gjë personale ndaj tij,” tha Bejko.
