Ylli brazilian, Vinicius Jr pritet të vazhdojë edhe më tej në ‘Santiago Bernabeu’.
Forma e mirë e Vinicius Jr, ka bërë që ‘Madrilenët’ të mendojnë rinovimin e kontratës së brazilianit. Sipas ‘Goal’, në fund të sezonit, Vini do të nënshkruajë një kontratë të re me Real Madridin.
Kushtet në lidhje me kontratën e re ende nuk dihet, por rëndësi ka që lojtari do vazhdojë me fanellën e bardhë edhe disa sezone. Ai ka marrëveshje deri në vitin 2024 me ‘Los Blancos’, por dëshiron të qëndrojë edhe më tej në ‘Santiago Bernabeu’.
Në 27 paraqitje këtë sezon në La Liga, Vinicius ka shënuar 14 gola dhe ka dhuruar nëntë asistime.
