Kryeministri Edi Rama foli sot pas mbledhjes së Kryesisë së PS edhe mbi kërkesën e SPAK për arrestimin e Alqi Bllakos, deputetit socialist, që dorëzoi sot mandatin përmes një shkrese drejtuar Kuvendit.
Rama tha se është përgjegjësi individuale e gjithkujt kur shkel ligjin, por shtoi se deri sa drejtësia të thotë fjalën e fundit, ata janë të pafajshëm, duke iu referuar kështu zyrtarëve të arrestuar lidhur me aferën e inceneratorëve.
“Një proces reformimi i drejtësisë për një Shqipëri të drejtë për të gjithë. Në nivelin personal jam i keqardhur por në nivelin e detyrës i shoh si rezultat.
Përsëritet një opinion i kthyer në akuzë që i përket kohës së përgjegjësive kolektive të sistemit komunist, nuk ka përgjegjësi kolektive në demokraci. Unë qëndrova këtu për respekt, një minutë…”, tha Rama.
Pyetje: Një grup parlamentar në burg, nuk ndjeni përgjegjësi?
Rama:Ju nuk keni minimum etik sepse ndërprisni.
