Policia dje arrestoi Nuredin Dumanin, të shumëkërkuar nga policia, pasi ka dyshime se mund të ketë kryer shtatë vrasje.
Dumani u prangos në një pallat në Fier, ku edhe jetonte me qira. Banorët e pallatit ku jetonte i kërkuari, kanë folur në lidhje me jetën që bënte vrasësi i dyshuar i shumë personave.
Banorët deklarojnë se Nuredin Dumani e kishte marrë banesën me qira përpara një jave. Ai jetonte në këtë banesë me një femër me shtetësi të huaj.
Dumani jetonte me këtë femër në katin e fundit të pallatit, kurse ruhej nga ana e 40-vjeçarit Henrik Hoxhaj. Edhe ky i fundit është shoqëruar në komisariat.
Hoxhaj është arrestuar me pistoletë më brez, por kishte edhe një tjetër armë në makinë.
Lexo edhe:
Komshinjtë e Nuredin Dumanit tregojnë tmerrin gjatë arrestimit: Ishte terror
