Detaje të reja kanë dalë në dritë nga arrestimii të shumëkërkuarit të drejtësisë, Nuredin Dumani, mbrëmjen e djeshme në Fier.
Dumani u përplas me armë zjarri mbrëmë në afërsi të qytetit të Elbasanit.
Rreth orës 22:25 minuta, në lagjen “Apolonia” në Fier, është bërë lokalizimi dhe kapja e Dumanit, që ishte edhe ndër personat më të kërkuar në rang kombëtar.
Gjatë operacionit për arrestimin e Nuredin Dumanit, në pranga përfundoi edhe shtetasi Henrik Hoxhaj, 40 vjeç, banues në lagjen “Apolonia” të Fierit. Hoxhaj është kapur me një armë në brez dhe një tjetër në automjet.
Gjithashtu nga kontrolli në banesën ku fshihej Nuredin Dumani, u gjet e u sekuestrua edhe një armë zjarri kallashnikov, si dhe prova të tjera, të cilat do të analizohen dhe vlerësohen nga Grupi Hetimor.
Kush është Nuredin Dumani, (ar)miqësia e tij me Talo Çelën
Po gjatë operacionit, u kapën edhe dy persona të tjerë për të cilët Grupi Hetimor po punon për sqarimin e pozitës së tyre, për lidhjet me personin e shumë kërkuar Nuredin Dumani.
Më datë 29 mars 2022, rreth orës 17:35, në aksin rrugor Elbasan-Cërrik, në Papër, është qëlluar me armë zjarri ndaj një automjetit tip “BMV”, në të cilin dyshohet se udhëtonte Dumani.
Pas marjes në dijeni të kësaj ngjarjeje, Dumani, që dyshohet për shtatë vrasje, u lokalizua dhe u arrestua.
