Drejtori i Përgjithshëm i Policisë së Shtetit, Gledis Nano ka paralajmëruar pak minuta më parë një konferencë urgjente për shtyp.
Nga burime mësohet se objekti i kësaj konference që do të mbahet rreth orës 01:00 të mëngjesit të kësaj të mërkure ka të bëjë me operacionin e pak orëve më parë ku pas një ngjarje të rëndë në Elbasan, u arrestua në Fier një shumë i kërkuar, Nuredin Dumani.
Njoftimi
Në orën 01.00 të mëngjesit në Drejtorinë e Përgjithshme të Policisë së Shtetit, Drejtori i Përgjithshëm do japë një konferencë për mediat. Ju ftoj të vini për ta ndjekur. Ndjesë për orën e vonë.
