Ish-ministri Ylli Manjani komentoi në emisionin ‘A Show’ në Syri Tv aferën korruptive të inceneratorëve.
Manjani tha se në kuptimin politik kemi një dështim total. Ish-ministri deklaroi se ajo që po ndodh në SPAK është një çështje që ka buruar nga debati politik më së shumti nga Nisma Thurje dhe LSI që posedonin informacione të brendshme.
“Së pari presupozohet që në një numër të caktuar vitesh do harxhohen 430 milionë euro për projekte të cilat nuk e dimë pse duheshin, së dyti po në kuptimin logjik dhe politik ishte dështim total se politika dështoi të marrë përgjegjësinë për këtë gjë”, tha Manjani.
Ish-ministri tha se është skema më e re piramidale në Shqipëri, skema që e bën qeverinë e Edi Ramës një ‘sude qeveri’.
“Fillojnë të ndërtojnë një incenerator në Elbasan, nuk na dalin lekët, hajde të ndërtojmë një të dytë, e njëjta firmë që merr lekët e Tiranës dhe mbyll Elbasanin. Pas kësaj ngelet gropë Tirana dhe hajde të marrim Fierin. Askund s’ka inceneratorë. Gropa që mbyllen me gropa të reja.”-deklaroi Manjani.
Manjani theksoi se me inceneratorët është abuzuar dhe nëse SPAK shkon te personat konkretë, duhet të shkojë me një akuzë, korrupsionin.
“Për këtë punë është bërë SPAK, ndiq paranë, shko tek korrupsioni. Shpërdorimi i detyrës është një vepër penale llastik, që nga koha e Enver Hoxhës. Të gjejnë korrupsionin, të marrin pasurinë. Kur të dëgjoj akuzë për korrupsionin do ta falënderoj.”-tha Manjani.
