Kuvajti ka përgënjështruar raportet në disa media ndërkombëtare se ky shtet kishte ndaluar hyrjen në vend të emigrantëve myslimanë.
Raportime të përshëndetura edhe nga presidenti amerikan Donald Trump.
“Mençuri” shkruante Trump në “Facebook” lidhur me lajmin e “Al Bawaba”, në të cilin pohohej se Kuvajti kishte ndaluar hyrjen në vend të emigrantëve nga disa vende myslimane.
Në lajm pohohej se “sirianët, irakianët, iranianët, pakistanezët dhe afganët” nuk do të lejoheshin të futeshin në Kuvajt.
Por Ministria e Jashtme e Kuvajtit e ka hedhur poshtë lajmin.
“Kuvajti në mënyrë kategorike e mohon këtë lajm dhe e konfirmon se qytetarët nga shtetet e përmendura kanë komunitete të mëdha në Kuvajt dhe i gëzojnë të gjitha të drejtat,” është shprehur një zëdhënës i Ministrisë së Jashtme të Kuvajtit në agjencisë shtetërore të lajmeve “KUNA”.
