Policia ka dhënë informacion zyrtar në lidhje me ngjarjen e ndodhur këtë mbrëmje në ambientet e Komisariatit numër 5 në Kamëz, ku ka rënë zjarr.
Sipas njoftimit të policisë, dy persona janë lënduar dhe janë shtruar në spital, ndërsa një shtetas ka ndërruar jetë.
Njoftimi i policisë:
Tiranë/Informacion paraprakMë datë 26.03.2022, në Kamzë, në ambientet e Komisariatit të Policisë Nr. 5, në rrethana ende të paqarta, ka rënë zjarr dhe si pasojë janë dëmtuar dhe janë dërguar në spital për ndihmë mjekësore shtetasit e ndaluar A. M., D. I., dhe punonjësi i policisë H. B.
Shtetasi A. M., ka ndërruar jetë në spital.
Me ndërhyrjen e zjarrfikëseve dhe të punonjësve të Policisë të Komisariatit Nr. 5, zjarri u shua.
Grupi hetimor ndodhet në vendngjarje dhe po punon për sqarimin e rrethanave të ngjarjes.
