Akademiku Artan Fuga përmes një statusi në rrjetin social Facebook, jep një apel të qartë për të gjithë konsumatorët.
Në këtë kohë kur kriza është në kulmet e saj dhe çmimet kanë pësuar rritje alarmante, anëtari i Akademisë së Shkencave, Artan Fuga përballë informalitetit thotë se ka vendosur të bojkotoj të gjitha agjencitë tregtare.
Fuga thotë se çmimet janë rritur artificialisht dhe kjo gjë duhet të ndalet.
Ai u bën thirrje të gjithë qytetarëve që të bëjnë të njëjtën gjë, të bojkotojnë blerjet, të lënë mallin stok sikundër thotë si kopili në derë, dhe përmes këtij akti t’i bëjmë të ulin çmimet.
Deklarata
Unë refuzoj të konsumoj!
Zgjidhja e krizës të rëndë të rritjes të çmimeve është sjellja si konsumator i ndërgjegjshëm!
Unë qysh dje, përballë imoralitetit idiot të rritjes të çmimeve në atë formë që na dëmton si shoqëri, madje dëmton edhe ata që rrisin çmimet, kam marr vendimin që :
Do të bojkotoj të gjitha ato agjenci tregtare dhe produkte që ngrenë çmimet artificialisht. Asnjë produkt nuk do të blej nëse është me çmim të rritur. Do të ul konsumin e të gjitha produkteve të tilla, me përjashtim të atyre jetike.
Vetëm duke u lënë mallin si kopili në derë do t’i bëjmë të ulin çmimet. Të gjitha të tjerat janë broçkulla!
Të ulin fitimin, jo të ngrejnë çmimin për të ruajtur të paprekur normën e fitimit!
Ndiqmëni!
