Tre persona janë arrestuar nga policia për prodhim dhe trafik droge. Një operacion policor i koduar si “Administratori” në Cërrik dhe Berat ka vënë pranga kreun e një bande që mblidhte kanabis dhe dy furnitorët e tij nga fshati Shalës. Janë sekuestruar 30 kg kanabis.
Policia tha se u bë arrestimi në flagrancë i shtetasve:
Flori Kuqja, 35 vjeç banues në fshatin Shalës Cërrik
Enver Dobra, 27 vjeç banues në fshatin Shalës Cërrik
Fatos Serani, 37 vjeç, banues në Berat.
“Arrestimi i tyre u bë në kuadër të një proçedimi proaktiv të ndjekur me metoda speciale hetimi, pasi gjatë kontrollit të ushtruar në banesën e shtetasit Flori Kuqja u gjetën dhe u sekuestruan në cilësinë e provës materiale: 30 kg lëndë narkotike e dyshuar me atë të llojit Cannabis Sativa.
Gjithashtu u shpallën në kërkim dhe po punohet për kapjen e shtetasve: T.K, 27 vjeç dhe XH.K 29 vjeç të dy banues në fshatin Shalës Cërrik. Nga veprimet hetimore paraprake të kryera nga Specialistët e Sektorit Kundër Narkotikëve rezultoi se lënda narkotike dyshohet se i përket shtetasve të lartpërmendur. Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Prodhimi dhe shitja e narkotikëve” parashikuar nga neni 283/2 i Kodit Penal”, tha policia.
