Presidenti i SHBA-së Joe Biden gjatë një fjalimi ditën e sotme në Varshavë, tha se lideri rus Vladimir Putin është befasuar kur ka kuptuar se nuk mund të përçajë dot aleatët e NATO-s në reagimin e tyre ndaj pushtimit rus në Ukrainë, shkruan ”BBC”.
“Unë jam i sigurt se Vladimir Putin po llogariste mundësinë për të përçarë NATO-n, për të ndarë krahun lindor nga perëndimi”, tha Biden. “Por ai nuk ia doli, ne jemi më të bashkuar se kurrë.”
Ai tha gjithashtu se historia ka treguar rëndësinë e SHBA-së në konfliktet në Europë.
“Ne kemi mësuar nga përvoja e dy luftërave botërore, në të cilat SHBA-ja nuk ka qenë e përfshirë në stabilitetin e Europës. Unë e kam përsëritur vazhdimisht që kur isha senator, zëvendëspresident dhe tani si president, se stabiliteti në Europë është jashtëzakonisht i rëndësishëm për Shtetet e Bashkuara për sa i përket interesit tonë, jo vetëm në Europë, por në mbarë botën,” theksoi Biden.
