Një person është vënë në pranga në Durrës për veprën penale “Kultivimi i bimëve narkotike”, e mbetur në tentativë.
“Bazuar në informacionet e marra në rrugë operative se në lagjen 15, Durrës, një shtetas po përgatiste katin e tretë të banesës së tij për ta përshtatur për kultivim të bimëve narkotike, me anë të ngrohjes me llamba, shërbimet policore organizuan punën dhe ushtruan kontroll në këtë ambient”, njoftoi policia.
“Nga kontrolli i ushtruar në banesën e shtetasit Paulin Lleshaj, punonjësit e Policisë, gjetën dhe sekuestruan në cilësinë e provës materiale, 4800 fara Cannabis Sativa, një sasi lënde narkotike, 23 llamba dhe 22 kondensatorë, si dhe pajisje të tjera që do të shërbenin për kultivimin e kanabisit, me anë të llambave”, shtuan të njëjtat burime.
