Aktorja e njohur Amy Schumer ka rrëfyer për herë të parë se vuan trichotillomania, një çrregullim i njohur edhe si trich që shkakton një nevojë për të shkulur flokët ose qimet në vende të tjera, si vetulla ose qerpikë.
40-vjecarja rrëfeu në një intervistë për The Hollywood Reporter se për herë të parë, ky problem iu shfaq kur ishte në shkollën e mesme, dhe i dëmtoi aq shumë flokët sa iu desh të mbante paruke.
“Unë mendoj se të gjithë kanë një sekret të madh dhe ky është i imi. Dhe jam krenare që sekreti im i madh më lëndon vetëm mua, por kjo është ajo për të cilën jam turpëruar kaq shumë për kaq shumë kohë”- tha ajo.
Trichotillomania përshkruhet si një lloj çrregullimi obsesiv-kompulsiv dhe një formë e vetëdëmtimit që i bën njerëzit të ndihen sikur duhet t’i shkulin flokët dhe lehtësohen vetëm kur e bëjnë këtë vërtet.
Fatmirësisht, kjo gjendje mund të mbahet nën kontroll me ilace dhe terapi të sjelljes. Aktores, trichotillomania iu shfaq gjatë një periudhe shumë stresuese kur i ati shpalli deklaroi falimentimin dhe u diagnostikua me sklerozë të shumëfishtë dhe nëna e saj e la për babain e shoqes së vet më të mirë.
