Qeveria ukrainase po refuzon të lejojë “gratë transgjinore” të largohen nga vendi së bashku me miliona gra dhe fëmijë refugjatë që kanë ardhur në Poloni dhe vende të tjera evropiane.
Në vend të kësaj, rojet kufitare ukrainase po i kthejnë dhe i detyrojnë të kthehen në shtëpi për të kryer detyrën e tyre dhe për t’u bashkuar me luftën.
Arsyetimi i tyre mund të turbullojë disa aktivistë trans në Perëndim: ligji ushtarak i Ukrainës kërkon që të gjithë meshkujt biologjikë ndërmjet moshës 18 dhe 60 vjeç të qëndrojnë në vend dhe të luftojnë. Dhe nuk bën përjashtime për “gratë trans”.
Edhe “gratë trans” të cilat janë pranuar gjerësisht nga komunitetet e tyre si gra ende mbajnë pasaporta që i identifikojnë si meshkuj, gjë që e shohin rojet kufitare kur përpiqen të kalojnë kufirin. Në shumë raste, gratë trans që kanë tentuar të ikin janë kthyer mbrapsht.
Ligjërisht, Ukraina filloi t’i njohë gratë trans si gra në vitin 2017. Megjithatë, ato duhet t’i nënshtrohen një vëzhgimi të gjerë psikiatrik dhe një procesi të gjatë burokratik përpara se gjinia e tyre e supozuar të pasqyrohet në dokumentet formale.
