Ish-ministri i Financave Ridvan Bode deklaroi se qeveria shqiptare duhet të kishte një tjetër sjellje ndaj rritjes së çmimeve dhe jo të bëjë xhandarin.
I ftuar në ‘Log.’, Bode theksoi se qeveria ka për detyrë, që pensionistëve dhe rrogëtarëve ti kompensojë me indeksin e rritjes së çmimeve dhe jo ngritja e bordeve që nuk sjell zgjidhje.
“Qeverisë i takon të merret me atë që ka për detyrë, askush nuk e ka votuar qeverinë të bëjë xhandarin. Qeveria ka për detyrë, që pensionistë dhe rrogëtarët ti kompensojë me indeksin e rritjes së çmimeve. Ajo është baza dhe të ftojë biznesin të ndjekë të njëjtën rrugë.
Ky nuk është fenomen shqiptar është fenomen global, një botë e re ekonomike po lind, çmime të reja do të kemi në treg”, tha Bode.
